Cambodia Trustees Association (CTA)

Public Education2025-10-21

អបអរសាទរការប្រកាសការទទួលស្គាល់សមាគមបរធនបាលកម្ពុជាជាផ្លូវការ

សមាគមបរធនបាលកម្ពុជា ត្រូវបានប្រកាសទទួលស្គាល់ជាផ្លូវការនៅក្នុងកម្មវិធី "វេទិការបរធនបាលកិច្ចឆ្នាំ២០២៥" ក្រោមអធិបតីភាពរបស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ, អនុប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និងជាតំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ.។

Public Education2025-11-21

យុទ្ធសាស្ត្រអភិវឌ្ឍវិស័យបរធនបាលកិច្ច ឆ្នាំ ២០២៥-២០៣៥

នារសៀលថ្ងៃសុក្រ ១ កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែវិច្ឆិកា គ.ស.២០២៥ ឯកឧត្ដម សុខ ដារ៉ា អគ្គនាយក នៃនិយ័តករបរធនបាលកិច្ច (ន.ប.ធ.) អមដោយសហការី បានអញ្ជើញដឹកនាំកិច្ចប្រជុំជាមួយសមាគមបរធនបាលកម្ពុជា តំណាងដោយ លោកបណ្ឌិត ព្រំ វិសុទ្ធ ប្រធានសមាគមបរធនបាលកម្ពុជា និងថ្នាក់ដឹកនាំ សមាជិក-សមាជិកា នៃសមាគម ដើម្បីពិភាក្សាអំពីការងារពាក់ព័ន្ធនឹងវិស័យបរធនបាលកិច្ច។ កិច្ចប្រជុំនេះបានផ្ដោតជាសំខាន់លើការរៀបចំនិងការប្រព្រឹត្តទៅរបស់សមាគម, ផែនការយុទ្ធសាស្រ្តក្នុងការជំរុញការអភិវឌ្ឍវិស័យបរធនបាលកិច្ច, ការអភិវឌ្ឍផលិតផលថ្មីៗ និងការពង្រីកទីផ្សារ, ទិសដៅ និងផែនការសកម្មភាពការងារពាក់ព័ន្ធនឹងការងារអភិវឌ្ឍវិស័យបរធនបាលកិច្ច។

Policy2025-12-22

ការបូកសរុបសមិទ្ធផលក្នុងវិស័យបរធនបាលកិច្ចឆ្នាំ២០២៥ និងទិសដៅការងារបន្តឆ្នាំ២០២៦

នាព្រឹកថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦ និយ័តករបរធនបាលកិច្ច (ន.ប.ធ.) បានរៀបចំកម្មវិធីសិក្ខាសាលាស្តីពី “ការបូកសរុបសមិទ្ធផលក្នុងវិស័យបរធនបាលកិច្ចឆ្នាំ២០២៥ និងទិសដៅការងារបន្តឆ្នាំ២០២៦” ក្រោមអធិបតីភាពរបស់ ឯកឧត្តម សុខ ដារ៉ា អគ្គនាយកនៃ ន.ប.ធ. នៅទីស្តីការអាជ្ញាធរសេវាហិរញ្ញវត្ថុមិនមែនធនាគារ ដោយកម្មវិធីនេះមានការអញ្ជើញចូលរួមពីតំណាងសមាគមបរធនបាលកម្ពុជា ក្រុមហ៊ុនបរធនបាល បរធនបាលរូបវន្តបុគ្គលឯករាជ្យ ប្រតិបត្តិករបរធនបាលផ្តល់សេវារក្សាសុវត្ថិភាព ឬសេវារក្សាទុក ក្រុមហ៊ុនវាយតម្លៃ និងក្រុមហ៊ុនផ្តល់សេវាសវនកម្មក្នុងវិស័យបរធនបាលកិច្ច។ សិក្ខាសាលានេះ ត្រូវបានរៀបចំឡើងក្នុងគោលបំណង ពិនិត្យរួមគ្នាអំពីវឌ្ឍនភាពនៃកិច្ចដំណើរការអភិវឌ្ឍវិស័យបរធនបាលកិច្ចនៅកម្ពុជាដល់ប្រតិបត្តិករ និងបុគ្គលពាក់ព័ន្ធ, ការទទួលធាតុចូលអំពីទស្សនវិស័យចំពោះនិន្នាការនៃការអភិវឌ្ឍវិស័យបរធនបាលកិច្ច បញ្ហាប្រឈម និងសំណូមពរនានាពីប្រតិបត្តិករនៅក្នុងវិស័យបរធនបាលកិច្ចនៅកម្ពុជា ព្រមទាំងទិសដៅយុទ្ធសាស្រ្តសម្រាប់ឆ្នាំ២០២៦។

Regional Cooperation2025-12-10

“វិធានប្រតិបត្តិការរបស់បរធនបាល” និងសេចក្តីព្រាងគោលការណ៍ណែនាំស្តីពី “យន្តការនៃការស្នើសុំបង្កើត ចុះបញ្ជី បន្តសុពលភាពវិញ្ញាបនបត្រ ផ្លាស់ប្តូរ និងបញ្ចប់បរធនបាលកិច្ចសេវារក្សាសុវត្ថិភាព ឬសេវារក្សាទុកតាមប្រព័ន្ធចុះបញ្ជីបរធនបាលកិច្ចរបស់ ន.ប.ធ.”

នារសៀលថ្ងៃសុក្រ ១២កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៣០ ខែមករា ឆ្នាំ២០២៦ និយ័តករបរធនបាលកិច្ច (ន.ប.ធ.) បានរៀបចំសិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំចំនួន ២ រួមមាន៖ សេចក្តីព្រាងគោលការណ៍ណែនាំស្តីពី “វិធានប្រតិបត្តិការរបស់បរធនបាល” និងសេចក្តីព្រាងគោលការណ៍ណែនាំស្តីពី “យន្តការនៃការស្នើសុំបង្កើត ចុះបញ្ជី បន្តសុពលភាពវិញ្ញាបនបត្រ ផ្លាស់ប្តូរ និងបញ្ចប់បរធនបាលកិច្ចសេវារក្សាសុវត្ថិភាព ឬសេវារក្សាទុកតាមប្រព័ន្ធចុះបញ្ជីបរធនបាលកិច្ចរបស់ ន.ប.ធ.” ក្រោមអធិបតីភាពរបស់ឯកឧត្តម សុខ ដារ៉ា អគ្គនាយកនៃ ន.ប.ធ. នៅទីស្តីការអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.)។

Membership2025-11-28

ក្រមសីលធម៌វិជ្ជាជីវៈរបស់បរធនបាល

នារសៀលថ្ងៃព្រហស្បតិ៍ ១១កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៩ ខែមករា ឆ្នាំ២០២៦ នៅទីស្ដីការអាជ្ញាធរសេវាហិរញ្ញវត្ថុមិនមែនធនាគារ, និយ័តករបរធនបាលកិច្ច (ន.ប.ធ.) បានរៀបចំសិក្ខាសាលាផ្សព្វផ្សាយជាសាធារណៈអំពីការដាក់ឱ្យអនុវត្តប្រកាសស្ដីពី “ក្រមសីលធម៌វិជ្ជាជីវៈរបស់បរធនបាល” ក្រោមអធិបតីភាពរបស់ឯកឧត្តម ណី សាកល អគ្គនាយករងនៃ ន.ប.ធ. តំណាងរបស់ឯកឧត្តម សុខ ដារ៉ា អគ្គនាយកនៃ ន.ប.ធ. នៅទីស្តីការអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.)។

Training2026-01-05

យន្តការបរធនបាលកិច្ចក្នុងបរិការណ៍នៃការវិវត្តថ្មីៗ

នារសៀលថ្ងៃព្រហស្បតិ៍ ៣រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៥ ខែកុម្ភៈ ឆ្នាំ២០២៦ និយ័តករបរធនបាលកិច្ច (ន.ប.ធ.) បានរៀបចំសិក្ខាសាលាស្តីពី “យន្តការបរធនបាលកិច្ចក្នុងបរិការណ៍នៃការវិវត្តថ្មីៗ” នៅអគារមជ្ឈមណ្ឌលអភិវឌ្ឍធុរកិច្ច។

News &Events

អបអរសាទរការប្រកាសការទទួលស្គាល់សមាគមបរធនបាលកម្ពុជាជាផ្លូវការ

យុទ្ធសាស្ត្រអភិវឌ្ឍវិស័យបរធនបាលកិច្ច ឆ្នាំ ២០២៥-២០៣៥

ការបូកសរុបសមិទ្ធផលក្នុងវិស័យបរធនបាលកិច្ចឆ្នាំ២០២៥ និងទិសដៅការងារបន្តឆ្នាំ២០២៦

ក្រមសីលធម៌វិជ្ជាជីវៈរបស់បរធនបាល

យន្តការបរធនបាលកិច្ចក្នុងបរិការណ៍នៃការវិវត្តថ្មីៗ